Uncategorized

عندنا ٨٧ حالة تحت الانتظار للدخول في #جمعيةينابيعالخيركلهم تقريبا أرامل وأيتام..حالتهم صعبة وتستحق المساعدة..😥 عايزين نضمهم كلهم للجمعية وياخدوا مساعدات كويسة زي الأسر اللي عندناعندنا ١٤٢ حالة وممكن يبقوا ٢٢٩حالة إن شاء الله..❤ الأسرة عندنا تقريبا بياخدوا ألف جنيه في الشهريعني ٨٧ حالة عايزين ٨٧ ألف جنيه شهريا.. حنعملها أسهم..محتاجين متبرعين يلتزموا شهريا بسهم قيمته ٢٥٠ جنيهيعني عايزين ٣٤٨ متطوع يلتزموا معانا ب٢٥٠ شهريا علشان نجيب ٨٧ ألف شهريا ونضم الأسر كلها.. مين معانا ويساهم في ثواب كفالة أسرة..💪 لو مش حتساهم يبقى شير في الخير علشان تدل غيرك إنه يساهم.. قال النبي صلى الله عليه وسلم: (الساعي على الأرملة والمسكين كالمجاهد في سبيل الله أو كالصائم الذي لا يفطر والقائم الذي لا يفتر) 🌷🌷

١- تخصيص مبلغ ٩٩٧٥جنيه كفارات يمين للأسر الفقيرة. ٢- توزيع شنط رمضان بقيمة ٣٤ ألف و٨٠٠ جنيه. ٣- السعي في أنهاء الأوراق البنكية لمعرفة رصيد حساب الجمعية أونلاين. ٤- شقة جديدة في عمارة بأسانسير للحاجة نجاة (١٧٠٠جنيه إيجار شهري) وتأمين ٣آلاف جنيه (الحاجة كانت تسكن مع بنتها و٢أولاد في غرفة وحمام مشترك). ٥- مساعدات مادية للأسر بقيمة ١٨٢ ألف و٦٠٠ جنيه. ٦- جرد الأجهزة الطبية “يوجد ٧ مولدات أكسجين (قيمة المولد ١٤ ألف تقريبا) تم الاستفادة منها للحالات المحتاجة”.٧- تم إضافة ٧ أسر ليكون عدد حالات الجمعية ١٤٢ أسرة. ٨- فاعل خير تولى كفالة أسرة ودفع المبلغ السنوي (٩٦٠٠جنيه) وسيتعاهدهم بشنط رمضان ولحمة العيد وغيرها. ٩- شراء ٢مولد بقيمة (٢٨ ألف جنيه) ليصير عدد المولدات (٩مولدات في الجمعية). ١٠- (انتريه) تبرع من فاعل خير للحاجة نجاة. ١١- تبرع بسرير وسجادة كبير و٢سجادة صغيرة وطقم ستائر للحاجة نجاة أيضا. ١٢- عرض تفصيلي ل٥ حالات من حالات الجمعية على صفحة الجمعية لمن يريد التبرع. ١٣- استقبال تبرع ب٥٠ شنطة رمضان من فاعل خير للجمعية. ١٤- الرد على كل الاستفسارات الواردة على صفحة وواتساب الجمعية جمعيةينابيعالخير

تصوروا ياجماعة..مريض فضل محتاج مولد أكسجين لمدة ٧ أشهر علشان يعالج مشكلة التنفس..والجهاز سعره ١٤ ألف جنيهولو إيجار بحوالي ٤ آلاف جنيه في الشهر..وناس كتير مش معاها المبالغ دي طبعا..😥 لكن الحمد لله في الجمعية قدرنا نسد حاجة بعض المرضى ومش ملاحقين برده (لأن الجمعية أمام مستشفى صدر وحساسية).. ربنا يجازي كل من ساهم في علاج مريض.❤ عندنا دلوقتي ٩ مولدات (٥لتر)وعايزين المولد العاشر يكون (١٠ لتر) علشان نخدم مستوى أكثر من المرضى..💪 سعر المولد ٣٠ ألف جنيهمعانا منهم ١٥ ألف تقريبا وفاضل ١٥ ألفساهم معانا ولك ثواب الصدقة الجارية بإذن الله🌷

عندنا ٧ مولدات ومش كافيين، عايزين نشتري ٢ مولد علشان يسد احتياجات الناس خصوصا إنه غالي وإيجاره حوالي ٤آلاف جنيه في الشهر..💔 سعر المولد دلوقتي ١٤ ألف جنيه ، يعني الاتنين ب٢٨ ألف جنيه.. مين حيساهم لنفسه أو لأحبابه في هذه الصدقة الجارية..؟!

ده الحوار اللي حصل مع الجمعية والست نجاة بعد تأجير الشقة الجديدة ليها. محتاجة أي حاجة علشان تكمل فرحتها وتعيش مكرمة مستورة هي وبنتها اللي في الجامعة وابنها الصغير..❤ كانت عايشة في غرفة واحدة والحمام مشترك مع شقق تانية، يعني بنتها لما تدخل الحمام كانت الأم تفضل واقفة لها على الباب.. باب التبرع مفتوح لأي حد.. وبأي حاجة ممكن تنفعهم..🌷

عندها (بنتين ١٧ و١٤ سنة) محتاجين مصاريف تعليم وبعدين تجهيز للزواج (وولد ٩سنوات) بتاخد معاش ٧٢٦جنيه..! عايشين في شقة (٢غرفة وصالة) بالدور الرابع وجابوا بيان من الشؤون الاجتماعية أنهم من أهل الاستحقاق الجمعية عملت لهم زيارة واستوفت الأوراق الكاملة للحالة..(الورق موجود لأي حد عايز يطلع عليه بالتفصيل). حنديهم إن شاء الله ٩٦٠٠ جنيه السنة دي (من أبريل ٢٠٢٢ إلى أبريل ٢٠٢٣) مش شرط حد يلتزم بيهم كلهم، ولا يلزم نفسه بمبلغ شهري عشان ده بيكون صعب، إحنا محتاجين نوفرلهم ال٩٦٠٠ (كحد أدنى) ومتاح لأي حد يتبرع معانا بأي مبلغ (ينفع تشارك من فلوس الزكاة).. لو عايز تشارك معانا في الكفالة، يا ريت تتواصل معانا