Uncategorized

إيمان عاملة نظافة في مستشفى ب ١٢٧٤ جنيه.. زوجها توفى وليس له معاش، تركها ب ٧ اولاد اعمارهم:14 سنه18 سنه21 سنه22 سنه17 سنه12 سنه8 سنوات كلهم في المراحل التعليمية، ابن واحد منهم بدأ يشتغل في ورشة لمساعدتها على المعيشة.. الجمعية عملت لهم زيارة واستوفت الأوراق الكاملة للحالة..(الورق موجود لأي حد عايز يطلع عليه بالتفصيل). محتاجين لهم إن شاء الله (١٢ الف جنيه) السنة دي من (فبراير ٢٠٢٣ إلى فبراير ٢٠٢٤) مش شرط حد يلتزم بيهم كلهم، ولا يلزم نفسه بمبلغ شهري ، إحنا محتاجين نوفر لهم ١٢ الف كحد الأدنى ومتاح لأي حد يتبرع معانا بأي مبلغ. (ينفع تشارك من فلوس الزكاة، لو فيه زيادة حتدخل بند كفالات الأسر)

عندنا في الجمعية مش بنوزع الملابس وخلاص، احنا بنرتب الملابس أولا.. يعني بنفرزها ونفصلها ونعلقها على شماعات على الستاندات.. كل ده بيكون له أثر في فرحة الناس بالملابس وسهولة اختيارهم للملابس اللي محتاجينها❤️ ولأن التبرعات كتيرة ما شاء الله محتاجين نعمل ٢ستاند جديد بقيمة الفين جنيه (قيمة الستاند = ١٠٠٠جنيه) احنا بنعمل الستاندات عمولة عند الحداد، ومش بنشتري جاهز.. مين معانا وياخد ثواب صدقة جارية؟🌷 (لو فيه زيادة حتدخل في المصاريف الإدارية)

الحاجة إصلاح ٥٨سنة أرملة وزوجها متوفي من ١٠ سنوات.. هي وزنها زائد جدا، وتعاني من قصور حاد بالشرايين التاجية وارتفاع ضغط الدم وسدة رئوية ودوالي بالقدم اليمنى ادت إلى حدوث جلطة.. عندها بنت ٢١سنة (محتاجة تتجهز)وابن ١٢سنة بتاخد معاش تكافل وكرامة ٤٨٦ جنيه وساكنة في شقة إيجار ٧٥جنيه.. وجابوا بيان من الشؤون الاجتماعية أنهم من أهل الاستحقاق الجمعية عملت لهم زيارة واستوفت الأوراق الكاملة للحالة..(الورق موجود لأي حد عايز يطلع عليه بالتفصيل). حنديهم إن شاء الله ٧٢٠٠ جنيه السنة دي (من يناير ٢٠٢٣ إلى يناير ٢٠٢٤) مش شرط حد يلتزم بيهم كلهم، ولا يلزم نفسه بمبلغ شهري عشان ده بيكون صعب، إحنا محتاجين نوفرلهم ال ٧٢٠٠ (كحد أدنى) ومتاح لأي حد يتبرع معانا بأي مبلغ (ينفع تشارك من فلوس الزكاة).. (والزيادة حتدخل لأي حالة مستحقة)

من فترة بسيطة جالنا تبرع كبير من أحد المتبرعين.. الغريب إن المتبرع طلب إنه يخصص ٣٠ ألف جنيه من هذا التبرع للمصاريف الإدارية..! ٣٠ ألف جنيه مبلغ مش قليل.. ومش معتاد ان حد يتبرع لبند المصاريف الإدارية، وان كان ده بند مهم جدا وعلى أساسه بيتم شغل كبير.. المهم، أنه على الرغم من أن أعضاء الجمعية كلهم بلا استثناء لا يقبضون مرتبات، وكان من الممكن أن يطالبوا بنوع من المكافأة الاستثنائية، إلا أن مافيش حد طلب مني -انا كرئيس جمعية- أي مبالغ.. على الإطلاق..! على الرغم من المجهود الكبير اللي بيعملوه في الجمعية.. ومع انهم حياخدوها من بند خصصه المتبرع للمصاريف الإدارية، وهو عارف إن من ضمن المصاريف دي مرتبات ومكافآت.. لكن الاستراتيجية عندنا واضحة والحمد لله، اننا أصحاب رسالة وهي السعي على الارامل والمساكين (اللي هي بمنزله الجهاد في سبيل الله، كما جاء في الحديث الصحيح).. وبنحاول ان أكبر قدر ممكن من التبرعات يوصل للمحتاجين كما هو، وبنفرح بتبرعات المصاريف الإدارية لأنه بيساعدنا في تحقيق الهدف ده.. وليس لأجل مرتب أو مكافأة مالية🌹

1- تم توزيع مساعدات أدوية وجلسات علاجية بقيمة حوالي (٥٥٠٠ جنيه) 2- تم توزيع وجبات غذائية جاهزة بقيمة حوالي (٧٠ ألف جنيه) 3- تم توزيع عفش وأجهزة بقيمة حوالي (٥٥ألف و٣٥٠جنيه) 4- تم توزيع إعانات للإيجار الشهري بقيمة حوالي (٢٣٥٠جنيه) 5- تم توزيع مساعدات للأسر من بند كفالة الأسر بقيمة حوالي (١٧ ألف جنيه) 6- تم توزيع مساعدات للأسر من بند زكاة المال بقيمة حوالي (١٣٨ الف و٢٥٥جنيه) 7- تم التبرع وشراء أجهزة طبية بقيمة حوالي (٦٧ ألف و٤٠جنيه) 8 – تم توزيع بطاطين بقيمة حوالي (٢٠٦ألف جنيه) 9- تم التبرع و بملابس بقيمة حوالي (٣٥٠٠جنيه) ** الردود على رسائل وواتساب الصفحة بنسبة 100% ** يوجد خارج الجمعية: ( ١٤ مولد أكسجين ٥لتر ، ١مولد أكسجين ١٠لتر ، ٤جهاز باي باب للتنفس) تم الاستفادة منها كصدقات جارية.🌹 ** مجموع المساعدات المادية والصدقات الجارية لهذا الشهر: (٥٦٤ ألف و٩٩٥ جنيه) تقريبا 🌷 شكرا لكل من ساهم في هذا الخير ❤️

الست سحر شعبان ٣٩سنة زوجها متوفي من ١٦ سنة..! عندها ولدين ٢٠ و٢١ سنة لسة في الجامعة.. بتاخد معاش ٤٥٠جنيه وساكنة في شقة إيجارها ١٥٠ جنيه وجابوا بيان من الشؤون الاجتماعية أنهم من أهل الاستحقاق الجمعية عملت لهم زيارة واستوفت الأوراق الكاملة للحالة..(الورق موجود لأي حد عايز يطلع عليه بالتفصيل). حنديهم إن شاء الله ٤٨٠٠ جنيه السنة دي (من يناير ٢٠٢٣ إلى يناير ٢٠٢٤) مش شرط حد يلتزم بيهم كلهم، ولا يلزم نفسه بمبلغ شهري عشان ده بيكون صعب، إحنا محتاجين نوفرلهم ال ٤٨٠٠ (كحد أدنى) ومتاح لأي حد يتبرع معانا بأي مبلغ (ينفع تشارك من فلوس الزكاة)..